BI Group Қазақстандағы алғашқы ипотека орталығын ашты

BI Group холдингі «Тұрғынүйқұрылысжинақбанкімен», Сбербанкпен, Банк Центр Кредит банкімен және Қазақстан ипотекалық компаниясымен бірлесе отырып, BI Finance ипотека орталығының ашылғанын хабарлады. Бұл орталық несие рәсімдеуге кететін уақытты айтарлықтай қысқартады.

«Жаңа орталық - өтінім беруден бастап ипотекалық несие алуға дейінгі барлық процесті оңай шешуге мүмкіндік береді, - деді BI Group холдингінің басқарма төрағасы Амангелді Омаров.

2017 жылы BI Group-тан пәтерді ипотекамен алғандардың пайыздық көрсеткіші 5,9%, 2018 жылы - 6,8% құрады. 2019 жылы компания жоспары бойынша бұл көрсеткіш 25-30%-ға дейін жетеді. 

«Біз құрылыс салушы компаниялармен белсенді жұмыс жасаймыз. Мысалы, Nova City және Sunrise жобаларында бір ай ішінде қосымша кепілсіз 130 пәтер сатылды, - деді «Қазақстанның тұрғын үй құрылыс жинақ банкі» АҚ Орталық филиалының директоры Жансұлтан Матаев.

Ипотека орталығы 2018 жылдың 20 желтоқсанынан бастап Сығанақ көшесі 18/3, Viva Plaza бизнес орталығында жұмысын бастайды.