Төртінші кешенді игерілген аумақ елордада пайда болады
BI Group және Nova City ірі құрылыс компаниялары аумақтарды кешенді игеруді (АКИ) бастады. Бүгінгі күні GreenLine, Nexpo, Capital Park және Sezim Qala сияқты осындай 4 жоба жүзеге асырылып жатыр.
Аумақты кешенді игеру көпқабатты үйлердің құрылысын ғана емес, сонымен бірге оларға ілеспе әлеуметтік инфрақұрылымды құруды да көздейді. Осындай аудандардың бірі - Тұран даңғылында орналасқан Sezim Qala тұрғын үй кварталы, оған «Барыс Арена» мұз сарайы, Magnum гипермаркеті мен медициналық мекемелер жақын жерде орналасқан. Қала жоспарына сәйкес мұнда мектептер мен балабақшалар да пайда болады. Өз кезегінде, құрылыс компаниялары белсенді түрде тұрғын үйлер салуда. 24 сәуірде «Sezim Qala» тұрғын үй кешенінің төртінші кезегі пайдалануға берілді.
Жаңашылдық - бұл жетілдірілген ескі нәрсе
КСРО-да панельдік құрылыс технологиясы миллиондаған кеңес азаматтарын тұрғын үймен қамтамасыз етуге көмектесті, бірақ оның кейбір кемшіліктері болды. Мысалы, жылу шығындарының көптігі және пәтерлердің аудандарының шағын болуы. Nova City салған жаңа панельді үйлерде бұл кемшіліктер жойылды. Қабырғаларына қалыңдығы 15 сантиметр болатын жылу оқшаулағыш плиталар орнатылған, содан кейін ауа арақабаты және Австрияда жасалған фибро-цемент панельдері қолданылады. Үй «Стандарт» класына жатса да, ауа баптағыштарға арналған себеттер бар. Панельдік құрылыс дыбыс оқшаулау көрсеткішін жақсартатынын айта кеткеніміз жөн.
Play Hub дегеніміз не?
Ауланы абаттандыру жұмыстары осы жылдың маусым айында аяқталады деп жоспарланып отыр. Мұнда балалар алаңдары, орындықтар, үйшіктер пайда болады, көгалдандыру жұмыстары жүргізіледі. Сонымен қатар, компания балалар ойын алаңының құрылысын осы маусымда аяқтауды жоспарлап отыр. Nova City шетелдік тәжірибені қолдануға шешім қабылдады. Бұл дегеніміз аулада шулы ойын алаңдарын жасамай, оларды бөлек жерге салу. Мұнда футбол алаңы, хоккей корты, ашық жаттығу құралдары қарастырылған. Белсенді өмір салтын ұстанатын адамдар өздерін шектемей спортпен айналысса, ал тұрғындар болса жұмыс күнінен кейін тыныш демала алады.
«Балалардың терезеден құлап кетуінің алдын алатын қорғаныс құралын орнаттық. Сонымен қатар, жаңа стандарт бойынша пошта жәшіктері орнатылмады. Тәжірибе көрсеткендей олар жай макулатура жинайтын орынға айналады. Тұрғындар түбіртекті қосымша арқылы алуды, бонусты ала отырып, сол жерде төлеуді жөн көреді», - дейді бақыт менеджері Әлібек Сәрсембаев.
Ғимараттағы 278 пәтердің барлығы алдын ала сатылған. Бірақ Nova City-де басқа жобалар да бар, соның ішінде осы ауданда да сізге ұнайтын нұсқалар табылады. Толық ақпаратты сату бөлімінен немесе 340 нөмірі бойынша ала аласыз. Ұялы телефоннан қоңырау шалу тегін.