BI Innovations құрылыс хакатоны сәтті аяқталды
Құрылыс индустриясын цифрландыру және тапсырыс берушілердің тәжірибесі саласындағы BI Innovations жобалары клиенттердің өмірін жақсартуға және қызметкерлердің жұмысын жеңілдетуге арналған. Холдингтің инновациялық бөлімі екінші құрылыс хакатонын өткізді. Әзірлеушілер форумы - ІТ саласында жаңа таланттарды табу үшін компаниялар қолданатын танымал әлемдік тәжірибе.
Алғашқы клиенттік хакатон өткен күзде өтті. Ағымдағы іс-шараға 69 команда мен 300 қатысушы тіркелді, олардың қатарында IT студенттер де, тәжірибеден өтіп жатқан әзірлеушілер де бар. Форум MS Teams платформасында онлайн форматта өтті. Хакатонға қатысушылар BIRD, Opera Build және BIM секілді үш бағытта әзірленген өзекті тапсырмаларды шешті. Мысалы, Revit Autodesk-пен ғимараттың сыртқы беттерінің модельдерін жүктеу үшін перспективалық үлгі жасау, материалдардың кешігуін, жетіспеушілігін немесе артық болуын болжайтын алгоритм жасау, дауыстық көмекшіні жасап шығару, қалдықтарды сұрыптауға арналған ұялы қосымша шығару және т.б.
Қазылар алқасының құрамына департамент директорлары, жоба менеджерлері және холдингтің ІТ-бөлімінің инженерлері кірді.
- Хакатон бизнеске инновациялық мүмкіндіктерді ұсынады. Сонымен қатар бұл жас мамандар үшін біліктілікті арттыруға арналған тамаша мүмкіндік алаңы. Кейде бір мәселені шешу тұтас стартапқа әкелуі мүмкін. Сондай-ақ хакатон жаңа таланттарды тартады - жетекші әзірлеушілер шығармашылық үшін еркіндік пен орын, ауқымды жобалар құруға мүмкіндік беретін компанияларда жұмыс істегілері келеді», - деді ақпараттық технологиялар департаментінің директоры Еркін Әкімбеков.
Сонымен құрылыс хакатонында 7 тапсырманың 5-еуі сәтті шешілді, енді олар холдингтің іскерлік үдерістерінде қолданылатын болады. Жалпы жүлде қоры 3 500 000 теңгені құрады және конкурс жеңімпаздары арасында әділ бөлінді. Екінші орын иегерлері BI Innovations негізінде құрылған BIT Academy-да оқуға сертификат алды.