Қазақстанда девелопменттің жаңа бағытын дамытатын болады

Қазақстанда девелопменттің жаңа бағытын дамытатын болады

BI Group компаниясы City Walk Apartments жобасын жүзеге асыруға кірісті – бұл қазақстандық жылжымайтын мүлік нарығындағы жаңа өнім.
- Жобаның басты ерекшеліктерінің бірі City Walk променады, яғни серуендеуге арналған ұзын жолы болмақ, ғимараттардың бірінші қабаттарында дүкендер, мейрамханалар және кафелер болады, - дейді BI Development бизнесті дамыту жөніндегі директоры Расул Мұстафин. – City Walk Apartments ЭКСПО ауданындағы Қаржы орталығына көршілес орналасады. Оған қоса Astana Hub, Astana IT University секілді заманауи орталықтар көршілес орналасқан.
Апартаменттердің көлемі 30 шаршы метр, төбесінің биіктігі 3 метр, кең көлемді терезелер. Жобаның артықшылықтарының бірі – апартаменттер дайын күйінде тапсырылады, яғни техника, жиһазбен жабдықталады. Сатылым осы күзде басталады, ал кешен құрылысы 2021 жылдың бірінші тоқсанында аяқталады.
– Бүгінгі күні бүкіл әлемде апартаменттер үлкен сұранысқа ие әрі кеңінен танымал. Бұл бизнес бойынша жиі саяхаттайтын және өз уақытын бағалайтын іскер адамдар үшін ыңғайлы, заманауи және қолжетімді. Сонымен қатар, апартаменттер иелері үшін де тиімді болмақ, - деп атап өтті жобаны дамыту жөніндегі менеджер Азамат Бейсенов.
Қорытындылай келе, инвесторлар апартаменттерді сатып алып, әрі қарай жалға беруіне болады. Ал BI Group компаниясы жалға алушыларды іздеуден бастап клинингке дейін қызмет көрсетуді ұсынады.