BI Group холдингінің модульдік аурухананы тергеуге қатысты ресми түсініктемесі

Бұқаралық ақпарат құралдары мен әлеуметтік желілердегі Алматының Жайлы қалалық орта басқармасының басшысы мен BI Group бөлімшелері бірінің директорының ұсталуына қатысты таратылған ақпарат шындыққа сәйкес келмейді. Холдинг сотқа дейінгі тергеу мәселесі бойынша хабарлама алған жоқ.

Сонымен қатар Алматы қаласындағы модульдік аурухананың құрылысында көрсетілген қызметтер бойынша тиісті (растайтын) құжаттар тапсырыс берушіге толық көлемде және уақытында берілгендігін атап өткен жөн. Толығырақ ақпаратты тиісті мекемелерден білуге болады.

Алматы қаласының жұқпалы аурулар ауруханасы пациенттерді 2020 жылдың 24 сәуірінен бастап қабылдады, қазіргі уақытта 4 мыңнан астам адам коронавирустан емделіп шықты.