BI Group Qazforum-ды қолдады

BI Group Qazforum-ды қолдады

BI Group Қазақ тілді онлайн контент жасаушылардың форумын қолдады. Бүгінде қазақ тілді контенттің саны да, салмағы да артып келеді. Бұл қарқынмен, мемлекеттік тіліміздің де мәртебесі өсетіні хақ.

Осы орайда, қазақ тілді онлайн медианы дамыту мақсатында жыл сайын ұйымдастырылатын Qazforum іс-шарасының орны ерекше. Бұл қазір Интернет желісінің қазақ тілді сегментіндегі өзекті мәселелердің шешімін табуға бағытталған бірегей кәсіби алаңға айналды. Бұл жобаның маңыздылығын түсіне отырып, BI Group компаниясы да атсалысып, демеушілік қолдау көрсетті.

BI Group-та өз кезегінде, мемлекеттік тілді дамытуға өзіндік үлесін қосып келеді. Компанияның қолдауымен Disney мультфильмдері алғаш рет қазақ тілінде «сөйледі». Ал 2020 жылы «Болашақ» корпоративтік қорымен бірлесіп «Walt Disney Pictures», «Pixar» және «Sony Pictures» компанияларының тағы жеті фильмі қазақ тіліне дыбысталады. Бұл туралы компания өкілі Архат Ғарыпжан мәлімдеді:

«Осы жобаның арқасында қазақстандық балалардың сапалы киноконтентке қолжетімділігі арта түсті. Бұл қуантарлық жайт. Одан қалды, қызметкерлеріміз бен клиенттерімізді ақпараттандыруда әлеуметтік желілерді, ішкі порталдарымызды екі тілде жүргізіп келеміз. Жалпы, бизнестегі қазақ тілді копирайтинг саласын жетілдірудеміз. Біздің көптеген тұрғын үй кешендеріне қазақша атаулар берілген, мысалы жақында ғана Абай Құнанбаевтың 175 жылдығына орай біз «Асыл мұра» жобасын іске қостық. Оның бір кешеніне «Абай» есімі берілген. Qazforum ұйымдастырушыларына рахмет!»

Сондай-ақ, Архат компанияның журналистер мен блогерлер үшін байқау өткізіп жатқанын айтып өтті.