Сол жағалауда балалар өнер мектебі ашылды

BI Group компаниясында тұрғын үй кешендерінде тұрғындар үшін мамандандырылған түрлі орындар ашудың жақсы дәстүрі бар. Бұл спорт залы, коворкинг, қысқы бақ, балалар ойын бөлмесі немесе қарттарға арналған орталық болуы мүмкін. Grand Opera тұрғын үй кешенінде қосымша білім алу үшін толыққанды орталық ашылды.

Балалар өнер мектебі көлемі бойынша классикалық Оқушылар сарайларынан қалыс қалса да, оның өзіндік артықшылықтары бар. Біріншіден, мұнда балалар арасында ең танымал бағыттар ұсынылған: вокал, фортепиано, гитара, сальса, бачата, спорттық билер, каратэ және басқалары. Екіншіден, ықшамдалған бөлмелер әр балаға жеке көңіл бөлуге септігін тигізеді. Педагогтар – өз саласының кәсіпқойлары. Мысалы, вокалдан сабақ беретін оқытушы Капарова Динара Зиятдинқызының өтілі 32 жыл. Бұрын Павлодар қаласының Оқушылар сарайында, енді елордалық Оқушылар сарайында жұмыс істейді.

– Қазір балалар зияткерлік қабілеттерімен дүниеге келеді. Менің міндетім – әр баланың талантын ашуға көмектесу. 4 жастан бастап вокалмен айналысуға болады. Аптасына 45 минуттан тұратын екі сабақ баланың ән айту арқылы сенімді, коммуникативті болуы үшін жеткілікті. Гаджеттер дәуірінде бізге кейде қарым - қатынас жасау қабілеті жетіспейді, - деп ойлайды ол.

Бейнелеу өнерімен айналысуға барлық жағдай жасалған. Мысалы, залда жуғыштар бар. Сондай-ақ қонақтардың назарына Гүлжан Сейітжанқызы Баймағанбетованың шәкірттерінің жұмыстары ұсынылған. 26 жыл ішінде жоғары санатты педагог көптеген балаларға сұлулық сезімін дамытуға көмектескен.

Балалар ғана емес, олардың аналары да өз талантын ұштай алады. Орталықта заманауи тағамдарды дайындауға үйрететін арнайы орын бар, онда әйелдер аспаздық рецепттермен бөлісе алады. Арбамен билеу сияқты ерекше пәндер де ұсынылған.

- Токиода өткен олимпиадада біздің параолимпиадашылар тамаша өнер көрсетті. Біз мұндай адамдардың мүмкіндіктері шексіз екенін көрсеткіміз келеді. Өмірде әр түрлі жағдайлар болуы мүмкін, бірақ бұл бас тартуға себеп емес, - дейді орталық директоры, балдық билерден еңбек сіңірген спорт шебері Түсіпбекова Әлия Майданқызы.

Ал кешен тұрғындары қосымшаларға жазылудың басталуын асыға күтуде. Grand Opera тұрғындары үшін 30% жеңілдік қарастырылған. Болашақта сабақтар мемлекеттік тапсырысты орналастыру есебінен тегін болуы мүмкін. Қосымша білім балалар мен ата-аналар арасында өте жоғары бағаланады. Жасыратыны жоқ, кейде мұндай секциялар мен мектептерде адамның ынтасы ашылып, бала өмірде өз орнын табады.