BI Group коронавируспен күресіп жатқан дәрігерлерге қолдау көрсетті

BI Group коронавируспен күресіп жатқан дәрігерлерге қолдау көрсетті

BI Group басшысы Айдын Рахимбаев өз Facebook парақшасында Halyk Bank-тің COVID-19 коронавирус пандемиясымен күресіп жатқан  еліміздегі дәрігерлер мен медициналық қызметкерлерге көмек ретінде қаражат бөлу туралы шешімін қолдағаны туралы мәлімдеді. 

«Еліміз үшін осындай қиын-қыстау кезеңінде ең ауыр да қауіпті жұмыс біздің дәрігерлерге жүктеліп отыр. Halyk Bank-тің бастамасын қолдап, екі астанадағы алдағы топта жүрген дәрігерлер мен медициналық қызметкерлерге BI Group командасы 100 млн теңге бөлгенін хабарлаймын. Қиындық туғанда біріге алатын қазақтың қанында ғой. Ортақтасып, күш салсақ, бұл дертті де жеңе аламыз деп ойлаймын! Сіздерге сенеміз, істеріңізге сәттілік, достар», – деп жазды кәсіпкер. 

«BI Group-тың біздің бастамамызды қолдап, белсенді азаматтық ұстанымдарын көрсеткеніне қуаныштымыз. Бұл еліміз үшін және жалпы әлем үшін бұрын-соңды болмаған жағдай, сондықтан біз бірігіп, мүмкіндігінше коронавирус инфекциясымен күресіп жатқан барша жандарға, атап айтқанда, құрметті медицианалық қызметкерлерге қолдау көрсетуге тиіспіз. Мұндай мысалдар, кез-келген қауіптің алдында қазақстандықтардың ұйымшылдығын тағы бір мәрте көрсете отырып шабыттандырады. Біз біргеміз!», - деді Қазақстан Халық банкінің басқарма төрағасы Үміт Шаяхметова.