Алматыдағы клиенттер форумы. BI Group тұрғындарға арнап сенбілік бранч өткізді
Тұрғындар пәтерінің қандай ерекшеліктерін бағалайды, қай тұсын жақсартқысы келеді? Алматыда өткен BI Group клиенттер форумында осы мәселелер талқыға түсті. Сенбілік бранчқа 18 тұрғын үй кешенінен 410 тұрғын жиналып, компания басшылығымен бірге қызмет көрсету мәселелерін талқылады, ұсыныстарын айтты. Компания инфрақұрылымды дамыту бойынша жоспарлармен бөлісті.
BI Group құрылыс холдингі клиенттер форумын 2016 жылдан бері өткізіп келеді. Он жылдан бері бұл кездесулер тұрғындарға компания басшыларымен тікелей тілдесуге, тәжірибе бөлісуге және үйлерін жақсартуға қатысты идеяларын ұсынуға көмектеседі. Бұл жолы іс-шара бранч форматында өтті.
Форумды ашқан BI Development бас директоры Расул Мустафин компанияның дамуы мен тұрғындардың пікірінің маңызы туралы айтты. Бұл бағыттағы негізгі көрсеткіштердің бірі - клиенттердің компанияны өзгелерге ұсынуға қаншалықты дайын екенін көрсететін NPS индексі.
«Биыл NPS көрсеткішін 75%-ға жеткізуді жоспарлап отырмыз. Біз үшін тұрғындардың компанияға сенім артып, BI-ды достары мен жақындарына ұсынуға дайын болуы маңызды. Олай болу үшін не істеу керек? Ол үшін мықты тұсымызды және нені әлі де жақсарту керектігін түсінуіміз қажет. Компаниямыз 31 жасқа толды. Құрылыс саласында бизнес жасап жүргенімізге көп жыл болса да, әлі де дамып келеміз. Кемелдіктің шегі жоқ!» - деді Расул Мустафин.
Оң өзгерістерді растайтын - клиенттердің бағасы. 2023 жылдан бері тұрғындардың өмір сүру жайлылығына қатысты NPS көрсеткіші 2,5 еседен астам өсті. Пәтер кілтін тапсыру кезіндегі көрсеткіш те жақсарып келеді. Тұрғындар өз үйлерінің менеджерлерінің жұмысын да жеке бағалайды. 2025 жылдан бері оң бағалардың үлесі екі есе артқан.
Расул Мустафин құрылыс стандарттарын жаңарту және сапаны бақылауды күшейту жұмыстарына да тоқталды. Мәселен, компания пилоттық режимде салынып жатқан нысандардың көріне бермейтін бөліктерін тексеру үшін дрондарды пайдаланып жүр.
BI Development South директоры Диас Әділханов әлеуметтік инфрақұрылымды дамыту бойынша жоспарларымен бөлісті. Алматыдағы Dream City ауданында Farabi мектебі ашылады.
Панельдік сессияға онымен бірге BI Service басқармасының директоры Елдар Қабдрахманов және қабылдау мен кепілдік жөніндегі директор Серік Төлебаев қатысты. Одан кейін сөз кезегі тұрғындарға беріліп, оларды толғандыратын мәселелер төңірегінде әңгімелесті.
Қатысушылар қызмет көрсету, ортақ пайдаланылатын аумақтарды күтіп ұстау және әлеуметтік инфрақұрылымды дамыту туралы сұрақтар қойды. Компания өкілдері қызмет көрсету ақысының неден тұратынын түсіндіріп, коммерциялық үй-жайлардың қасбеттеріне өзгерістер енгізуді келісу тәртібі және құрылыстың бас жоспарын қайта қарау балабақша құрылысының мерзіміне қалай әсер еткені туралы айтып берді. Тұрмыстық қалдықтарды шығару мен тұрғындардың өтінімдерін қарастыруға қатысты мәселелер бақылауға алынды.
BI Service компаниясының маркетинг және коммуникациялар жөніндегі директоры Мерей Нұриденұлы тұрғындармен күнделікті байланыстың қалай ұйымдастырылатыны туралы кеңінен айтып берді. Бүгінде BI Service Қазақстан мен Өзбекстанда 700-ден астам үйге қызмет көрсетеді. Бұл үйлерде шамамен 650 мың адам тұрады.
«Тұрғын үйді таңдау немесе тіпті көшіп келу сәті емес, сол үйде өмір сүру - ең маңызды кезең екенін біз жақсы түсінеміз. Тұрғындардың компаниямен қарым-қатынасы кілт тапсырылған сәттен басталады. Біздің үш стратегиялық бағытымыз бар. Біріншісі - мінсіз сервис. Үйлеріміздің таза, жайлы, қауіпсіз әрі тұрғындарға қолайлы болуы маңызды. Екіншісі - жайлы өмір сүру экожүйесін қалыптастыру және тату көршілік мәдениетін нығайту. Үшіншісі - клиент жолын цифрландыру. Біздің сенімді IT жүйеміз бар, мобильді қолданбамыздың мүмкіндіктерін үнемі кеңейтіп келеміз», - деп атап өтті BI Service өкілі.
BIG App арқылы тұрғындар өтінім қалдырып, үйдің қаржылық есептерін көре алады, есептегіштердің көрсеткіштерін қадағалап, бейнебақылау және тұрғын үй кешеніне кіру сервистерін пайдалана алады.
Форум қатысушылары да өз ойларымен бөлісті. Arena Park тұрғын үй кешенінің тұрғыны күзет қызметінің жұмысын, көгалдандыруды және тұрмыстық мәселелерді қосымша арқылы шешудің ыңғайлылығын атап өтті:
«Мамандар өте ашық, әрдайым байланыста және көмектесуге дайын. Қосымша арқылы кез келген уақытта қаржылық есепті қарап, ақшамыздың қайда жұмсалып жатқанын және қандай жұмыстар жоспарланғанын біле аламыз».
Lifetown 2 тұрғыны менеджердің өтініштерді шешуге жеке атсалысатынын атап өтті:
«Сервистік компанияның ең басты қасиеті - жауапкершілік. Қоңырау түскен сәттен бастап мәселе толық шешілгенге дейін біздің менеджеріміз Динара Әділбек тыным таппай, сұрағымызды шешуге тырысады. Ал қандай да бір кідіріс болса, міндетті түрде алдын ала ескертіп, жағдайдан хабардар етіп отырады»
Кездесуде «BI-Жұлдызай» корпоративтік қайырымдылық қорының жұмысы да таныстырылды. Қордың HR-директоры Айжан Байтышқанова клиенттердің сенімі компанияға әлеуметтік жобаларды қолдауға қалай мүмкіндік беретінін айтып берді. 2004 жылдан бері қор ерекше қажеттіліктері бар балаларды оңалтуға және хирургиялық жолмен емдеуге көмектесіп келеді, Қазақстанда операциялар жасау үшін шетелдік дәрігерлерді шақырады және ұлттық инклюзивті ойындарды дамытады.
«Осындай жобаларды жүзеге асыруға сіздердің қосқан үлестеріңіз орасан зор. Сіздерге шексіз алғыс білдіреміз», - деді Айжан қонақтарға.
Форум «Біз не естідік?» Деген бөліммен аяқталды. Команда тұрғындардың ұсыныстарын қорытындылап, алдағы міндеттерді айқындады. Барлық сұрақтар мен жауаптар хаттамаға енгізілді. Ал кейбір қатысушылардың өтініштерін егжей-тегжейлі қарастыру үшін олармен жеке кездесулер өткізу туралы келісім жасалды.



