Игілікке салынған инвестиция: қазақстандық құрылыс компаниясының әлеуметтік жобалары

Отандық құрылыс компаниясы қандай әлеуметтік жобаларға қолдау көрсетті

BI компаниясының табысқа жетуінің сыры ESG қағидатын берік ұстануында жатыр. Олар мыналар:

қоршаған ортаға жауапкершілікпен қарау (Е – экологиялық);

әлеуметтік жауапкершілік (S - әлеуметтік);

корпоративтік басқарудың жоғары сапасы (G - корпоративтік басқару).

Әлемдегі ең ірі компаниялар арасында ESG инвестициялары өте танымал, себебі кез келген бизнес тек табыс табуды ғана көздемейді, сонымен қатар қоғамға және қоршаған ортаға қамқорлық жасаумен айналысады. BI Group компаниясы ерекше балаларға көмек көрсетуге, білім беру саласы мен экологиялық қозғалысқа қолдау көрсетуге, спорт пен мемлекеттік тілді насихаттауға үнемі көңіл бөледі. Болашақта бұл бағыттарды дамытатын боламыз.

Біз ашықтықты қолдау мақсатымен корпоративтік әлеуметтік қызметіміздің нәтижелерін тоқсан сайын жариялауды жалғастырамыз. Аталған жобаларды біздің клиенттеріміздің, серіктестеріміз бен қызметкерлеріміздің қатысуынсыз жүзеге асыру мүмкін емес еді!

BI Group холдингінің 27 жылғы қайырымдылық қызметі бір реттік жобалардан жүйелі түрде жасалатын қайырымдылық инвестицияларына айналды. Компанияның негізгі бағыттарының бірі – корпоративтік әлеуметтік жауапкершілік алуы.

2022 жылдың 3-тоқсанындағы КӘЖ нәтижелері.

«Жұлдызай» ерекше балаларға толыққанды өмір сүруге мүмкіндік береді

BI Group компаниясының қызметкерлері, акционерлері мен топ-менеджменті жалақыларының бір бөлігін жыл сайын «Жұлдызай» қоғамдық қорына аударып отырады. Ерекше қажеттіліктері бар балаларға көмек көрсетуге 4 жыл ішінде 1,1 миллиард теңгеден астам қаржы бөлінді.

Жалпы қор қызметінің арқасында күрделі диагнозы бар 128 бала өмірге алғашқы қадамдарын жасаса, 55 сәби сөйлей бастады, 12 мыңнан астам бала медициналық орталықтарда оңалтудан өтті, тағы 26 мыңнан астамы жоғары білікті мамандардан, соның ішінде шетелден шақырылған дәрігерлерден кеңес алды. Әлемге әйгілі профессорлардың қатысуымен 900-ге жуық күрделі ота жасалды.

Мысалы, Астанада Израильдің жетекші балалар ортопеді Марк Эйдельман шеберлік сабағын өткізуге келді. Ол Қазақстанда туа біткен жамбас буынының шығуына 12 операция жасады.

«Мен Израильде мұндай жағдайлар сирек кездескендіктен, операция жасамаймын. Шеберлік сабағында әріптестеріммен өз білімімді бөлісіп, бізде қолданылып жүрген технологияны көрсеткім келді», – деді профессор.   

Еліміздің экологиясының дамуына қосқан үлесі 

Компания елімізді көгалдандыру бағдарламасын белсенді түрде жүргізіп келеді. 2019 жылдан бері 49 мыңнан астам өсімдік, соның ішінде 16,3 мыңнан астам ағаш, 31 мыңнан астам бұта және 2,5 мың бұталы қоршау отырғызылды. Бір ғана Астана қаласында өткізілген іс-шараларға шамамен 597 млн ​​теңге жұмсалды.

BI Green науқаны холдингтің жыл сайынғы жақсы дәстүріне айналды. Ол сәуір айында Атырауда алғаш рет өткізілсе, қазан айында отырғызылған 200-ден астам қарағай елорданың сол жағалауындағы Greenline бигвилль аумағының көркін аша түсті. Іс-шараға 150-ге жуық тұрғын тұрақты түрде қатысады.  

«Дәстүрлі түрде өткізіліп тұратын іс-шарамыздың мақсаты – қаланы көгалдандыру және тұрғындарды көшет отырғызуға қатыстыру. Науқанның арқасында аулалар мен саябақтар әдемі әрі жайлы бола бастады. Біз Астананы нағыз жасыл оазиске айналдыру үшін бұл жұмысты тұрақты түрде жүргізетін боламыз», - деп атап өтті BI Group өкілі.

Компанияның ESG саясаты бойынша қоршаған ортаны сақтау

Компания биыл цифрландыруды қолдау мақсатымен 90% қағаз нұсқадан бас тартты. Осылайша, құрылысшылар қоршаған ортаға аз шығын келтіре отырып, қалдықсыз өндіріс саясатын сақтауға ұмтылады. Барлық қажетті ақпарат электрондық форматта таратылады. Тұтынушының онлайн құжаттарының арқасында 2,5 миллионға жуық қағаз немесе тұтас саябаққа тең 200 ағаш үнемделді. Сондай-ақ Green marketing курсы аясында тұрғын үй кешендері туралы буклеттер, нұсқаулықтар, визиткалар, папкалар, блокноттар, каталогтар шығару тоқтатылды, бұл дегеніңіз – шамамен 100 миллион бет. 

Спортты насихаттау

Холдинг салауатты өмір салтын насихаттауға ерекше көңіл бөледі. Елордада 2022 жылғы 14 тамызда BI Group Ironman 70.3 Astana және BI Group Ironman Kazakhstan атты Орталық Азиядағы ең ірі екі халықаралық жарыс өтті. Триатлон старттары әлемдегі ең беделді және ең қиын бір күндік жарыстардың бірі болып саналады. Олар жыл бойы Жер шарының әртүрлі бөлігінде өтеді. Қазақстанда бұл іс-шара отандық жетекші құрылыс компаниясының арқасында ТМД елдері арасында алғаш рет өткізілді. Жарысқа 56 елден 1700-ден астам адам қатысты. Біздің 23 отандасымыз Кона слоттарын жеңіп алды.     

Зияткерлік ойындарға қолдау көрсету

Компания Шымкентте Асанбай Асқаровтың жүз жылдығына арналған BI Chess бірінші қалалық рейтингтік турнирін өткізді. Оған жергілікті 125 шахматшы қатысты. Жарыс 60 жасқа дейін және 60-тан жоғары екі жас категориясы бойынша өткізілді. Жеңімпаздар ФИДЕ халықаралық ережелеріне сәйкес анықталды. Бұл рейтингке ену – кез келген шахматшының мақсаты.

Дубляж

Қазақстандық құрылыс компаниясы ​​басқа да әлеуметтік бастамаларды қолдайды. Мәселен, компания мемлекеттік тілді насихаттау аясында ​​2018 жылдан бері Disney, Marvel, Sony Pictures сияқты әлемнің жетекші киностудияларының 13 толық метражды фильмін дубляждауға 674 миллион теңге бөлді.

Техникалық мамандықтарды дамытуы

BI Group тұрақты даму саясаты аясында білім беру саласын қолдауға көңіл бөліп келеді. Академик А.Қуатбеков атындағы Халықтар достығы университеті мен құрылыс компаниясы оңтүстік өңірде техникалық мамандықтарды дамыту бойынша Ынтымақтастық және өзара іс-қимыл туралы меморандумға қол қойды.  

Студенттерге университеттің оқытушылар құрамы мен студенттері үшін компания басшылығының коучинг дәрістері; Холдингтегі өндірістік тәжірибе; жобалар мен құрылыс нысандарын аралау; жылына бір рет үздік студенттерді BI Group акционерлерінің қатысуымен өтетін ауқымды іс-шараларға шақыру; университетте цифрландыру саласында арнайы оқу блогын әзірлеу секілді мүмкіндіктер беріледі.

Компания сонымен қатар BINOM мектептері, Quantum Stem Schools, елордадағы Michigan State University құрылысы, BI University құрылысшыларға арналған бизнес-тренингтер және т.б. жобаларымен білім саласына айтарлықтай үлес қосып келеді.

Үш тілдегі толық таныстырылымды мына сілтеме бойынша жүктеп алуға болады:

https://www.dropbox.com/sh/yu2d8yx7bjvnhpv/AAAZb22D7dIwNpOGVi4AMO-ya?dl=0