Астанада жаңа Аллея пайда болды.
Қазір, үйлердің жерасты паркингі болғандықтан, оның үстінен ағаш өсіру қиын. Сондықтан, тек гүлдер мен бұталар отырғызуға болады. Дегенмен, "Қамалдың" 5-кезегінің командасы оның шешімін тапты.
Бұрын жоба штабы болған жерде енді көшеттер отырғызылады.
Құрылысшылар бұл істі тұрғындармен бірге жасауды шешті.
Демалысқа қарамастан, сенбі күні таңертең тұрғындар (тек бесінші блоктың ғана емес) жанұяларымен ағаш отырғызуға шықты. Компания шұңқырлар, көшеттер мен құралдарын дайындап берсе, ал тұрғындар ағаш отырғызды.
Алты жасар Ахмет үшін бұл бірінші ағаш. Анасы, баласының акция туралы білген кезде оған бірден қатысуға шешім қабылдағанын айтты. "Біз "Қамалдың" екінші кезегінде тұрамыз, осы жердегі скверге серуендеу үшін келеміз және онда жасыл көшеттердің көп болғанын қалаймыз. Осы жылы балам бірінші сыныпқа барды, міне алғашқы ағашын да отырғызды", ‒ дейді Айжан.
"Осында тұрып жатқанымызға бір апта болды, біз тағы да өз таңдауымыздың дұрыстығына көз жеткіздік, оның үстіне пәтерімізді "7-20-25" бағдарламасымен сатып алдық", ‒ дейді жас жұп ‒ Серік пен Ботагөз.
"Скверде 27 қайың, 25 қарағай, 12 алма, үш шырша және жұпаргүл бұталары отырғызылды. Келесі жылы гүлдер егіледі", - деді "Жасыл Әмір" мердігерлік ұйымының директоры Қанат Мамраев.
