1 маусымда BI Group холдингі қала тұрғындары үшін кезекті сыйлығын ұсынды

Триатлон паркінің аумағында белсенді өмір салтын ұстанатындарға арналған тағы бір аймақ ашылды. Қазақстанда аналогы жоқ 7 жастан 15 жасқа дейінгі балаларға арналған үлкен арқан паркі іске қосылды. Арқан паркі өрмелеуден халықаралық дәрежедегі спорт шеберлері "Traverse Imperial" ЖШС-нің қатысуымен салынды. Жаттығу жасайтын кешен, йога алаңы, work out аймағы, жағалау бойындағы көлеңкелі шатырлары бар әткеншектер халық игілігіне берілді. Сонымен қатар, компания бұл аумақтағы суару жүйесін қалпына келтіру, жүгіру және веложолды жөндеу, 200 үлкен қарағай отырғызу шығындарын өз мойнына алды.