BI Group компаниясы Атырау қаласына жаңа бақ мен балалар ойын алаңын тарту етті

BI Group инвестициялық-құрылыс холдингі Атырауда өз есебінен екі жаңа әлеуметтік нысан салып, қоғамдық кеңістіктерді абаттандыру бастамасын жүзеге асырды. Жобалар отбасылар мен балалар үшін заманауи, жайлы әрі қауіпсіз қала қалыптастыруға, сондай-ақ Атырау тұрғындары мен қала қонақтарының өмір сүру сапасын арттыруға бағытталған.

Атырау қаласының саябағында әртүрлі жастағы балалардың белсенді демалысына арналған қауіпсіз әрі функционалды жабдықтармен қамтылған заманауи балалар ойын алаңы салынды. Сонымен қатар SANDI тұрғын үй кешенінің жанында демалыс аймағы мен қосымша балалар ойын алаңы бар жаңа бақ абаттандырылды. Бұл қоғамдық кеңістіктер урбанистика мен экологиялық талаптардың заманауи стандарттарына сай жобаланған.

Бұл жобалар BI Group компаниясының корпоративтік әлеуметтік жауапкершілік стратегиясының бір бөлігі. Компания қызмет ететін өңірлерді дамытуға және еліміздің түкпір-түкпірінде жайлы қоғамдық кеңістіктер қалыптастыруға белсенді үлес қосып келеді.

«Біз үшін әрбір жобаның адамдарға пайда әкеліп, қала тұрғындарының күнделікті өмірінің ажырамас бөлігіне айналуы маңызды. Жаңа балалар ойын алаңдары мен бақ – Атыраудың дамуына және оның тұрғындарының әл-ауқатына қосқан үлесіміз», – деді BI Group компаниясының Атыраудағы дирекциясының директоры Ануар Смайылов.

Жаңа қоғамдық кеңістіктер тұрғындар мен қонақтарға ашық.