Жасыл желек Esil Riverside тұрғын үй кешенінен Ақордаға дейін созылады

BI Group компаниясы өзінің 25 жылдығына орай сүйікті қаласына сыйлықтар тарту етуде. Қарашаның 23 күні жағалауды көгалдандыру бойынша үлкен жоба аяқталды. Биылғы күзгі сенбіліктер барысында бірқатар тұрғын үй кешендері және "Зеленый квартал" мен BI City Seoul ТҮК арасындағы гүлзарға ағаштар отырғызылды.

Жұмыс көлемін ескере отырып, бірден үш компания көгалдандыруға тартылды. Екі апта ішінде біздің қызметкерлер мен серіктестер 750 ірі ағаш отырғызды. Қарағайлар мен теректердің биіктігі 3-тен 7 метрге дейін жетеді. 

Бір ағаштың құны 38571 теңге болса, жұмыстар мен материалдарды қоса есептегенде оны отырғызу 60334 теңгеге түсті.

Ауқымды көгалдандыру тіпті аллергиямен ауыратындарды да қуантады. Себебі, біздің дендрологтар мамық түзбейтін сүмбіл теректерін арнайы таңдаған.