«Бақыт жолдары»: BI Group Алматыға жайлы тау маршруты мен Қазақстандағы ең биік аспалы көпірлердің бірін сыйға тартты

BI Group өзінің 30 жылдығына орай ел көлемінде әлеуметтік инфрақұрылымды дамытуға бағытталған «30 қайырымды іс» бағдарламасын жүзеге асыруда. Соның ішінде ең ауқымды жобалардың бірі – Алматының танымал тау бағыттарын абаттандыруға арналған «Бақыт жолдары» бастамасы.

2025 жылы жоба үшінші кезеңіне өтті. BI Group Проходное шатқалы арқылы Терра алаңына және Алёшкин көпіріне дейінгі жаңа бағытты абаттандыруды бастады. Бұл – жаяу серуендеуді ұнататындар арасында кең таралған бағыттардың бірі. Маршрут 3330 метр биіктікте орналасқан Космостанцияға дейін жалғасады. Маршруттың жалпы ұзындығы – 13,5 км, биіктік айырмашылығы – шамамен 1580 метр. Үшінші кезеңге салынған инвестиция көлемі – 106 млн теңге.

Жобаның символына айналған Алёшкин көпірі – Қазақстандағы ең биік аспалы көпірлердің бірі. Ұзындығы – 50 метр, ал теңіз деңгейінен биіктігі – 3000 метрден асады. Осы кезеңде екі экодәжетхана (Ecodomeo), үш ағаш беседка-шале, 14 орындық, 80 метр қауіпсіздік қоршауы, 6 бағыттаушы және 4 ақпараттық карта орнатылды.

2025–2028 жылдарға жоспарланған жұмыстар:
2026 жылы ұзындығы 17 км болатын Бутаков шатқалындағы 4 маршрутты, 2027 жылы 11 км болатын «Жапон жолы – экопост» бағыттарын абаттандыру жоспарлануда. Барлық бағыттар инфрақұрылыммен жабдықталады. Жалпы жоспарлы инвестиция – 335 млн теңге.

Цифрлық қауіпсіздік:
BI Group GPS-тректермен онлайн карталарды, тіркеу жүйесін, ТЖД-ға автоматты хабарлауды және қауіпсіздік нұсқауларын қамтитын цифрлық жүйе жасайды. Бұл жүйе Алматы әкімдігіне беріледі. Инвестиция – 100 млн теңге.

Неліктен маңызды:
Жыл сайын Алматы тауларына мыңдаған адам жаяу серуендеуге келеді. Бірақ кейбір бағыттар қауіпсіз емес – соңғы 5 жылда 260-тан астам құтқару операциясы жүргізілген.
«Бақыт жолдары» жобасы қауіпсіздікті, жайлылықты және экологиялық шешімдерді ұштастыра отырып, бұл жағдайды өзгертуді көздейді.

BI Group қызметкерлері жобаға тікелей қатысып, көпірде ту көтеруге атсалысты. Жоба компанияның ESG стратегиясына және ұжымдық рухына айналды.

30 жыл – 30 қайырымды іс:
2025 жылы BI Group 30 жылдығын атап өтуде. Осыған орай компания Қазақстан бойынша 30 әлеуметтік және инфрақұрылымдық жобаны жүзеге асырып жатыр. 

«Бақыт жолдары» – BI Group-тың тұрақты дамуға, табиғатты сақтауға және жайлы, қолжетімді, қауіпсіз ортаны қалыптастыруға деген ұмтылысының нақты көрінісі.