Қала тұрғындарына BI Group жаңа аллея салып берді
«Премьера» тұрғын үй кешенінде жаңа аллеяның ашылуы өтті. Оны құрылыс салушы өзі салып берген. Бұрын жеке меншік компаниялар тек үй ауласын көріктендіретін, ал саябақ, скверлерді әкімдік жасайтын. «Премьера» компания топтамасындағы әдемі үйлердің бірі. Американдық неоклассика, клинкерлік кірпіш және фасадтың басқа да элементтері, Қабанбай батыр даңғылында ыңғайлы орналасуы сияқты ерекшелікке ие бұл үй. Кешеннің алты блогының жеке көркейтілген ауласы бар, дегенмен компания ортақ бір аллея жасап беруді шешіпті.
- Мұнда 300-ден астам көшет отырғызылды. Әзірге қылқан жапырақты ағаштар отырғызамыз. Биылғы жылы құлпынай отырғыздық. Осылайша, біздің тұрғындар оның дәмін келесі жылы тата алады, — дейді Luxury Concierge директоры Гүлмира Шайхистанова.
Аллеяның ерекшелігі - әдемі арт-мүсіндер мен жануарлардың композициялары. Мұнда әр жастағы балаларға арналған алаңдар, футбол, жатттығу алаңы және т.б. бар.
Есет Утегулович:
- Сәулетші ретінде бұл кешен әдемі әрі сапалы салынғанын айтқым келеді. Енді жаңа аллеяның арқасында тұрғындар бір-бірімен араласатын болады.
Людмила:
— Мен Алматыдан келдім, сіздің компанияңыздың үйлері, аулалары өте жайлы, бізде бұрын-соңды ондай болған жоқ.
BI Group холдингінің Басқарма төрағасы Амангелді Омаров жаңа аллеяның барлық қала тұрғындары үшін қолжетімді болатынын айтты.
